LAOAG CITY – Pinatibker dagiti judges ti International Criminal Court (ICC) Appeals Chamber ti desisyon ng Pre-Trial Chamber a masapol nga agtalinaed paylaeng iti pagbaludan ni dati a Presidente Rodrigo Duterte.
Basar iti ICC, inbasuran amin ti Appeals Chambers dagiti amin nga argumento ti ground of appeals dagiti abogado ni Duterte.
Nakaala met ti unanimous voting ti five-person Appeals Chamber tapno naan-anay a maibasura ti kiddaw ti depensa iti Pre-Trial Chamber.
Iti inparuk-at nga statement, napaay ti Depensa a nangdakamat kadagiti panagkamali ti Pre-Trial Chamber no sadinno a naibasar iti Panel of Experts tapnpo makaipaay ti kabarwanan nga update iti salun-at ni Duterte.
Inkonsiderar met ti panel of experts ti dua a report mainaig iti kondisyon ti salun-at ti dati a presidente nga insagana ti medical practitioners ken pinili ti defense team.
Maipalagip a sipud pay idi Marso 12, 2025 ken nakabaluden iti ICC iti The Hague ti dati a presidente gapu iti kaso a war against humanity iti kampanya na iti iligal a droga sipud idi daytoy ti mayor iti Davao City agingga a nagbalin a presidente ti Pilipinas.
