LAOAG CITY – Nagballaag ni Philippine National Police (PNP) Chief General Jose Melencio Nartatez Jr. kadagiti manager ken personnel dagiti gasolinaan a mairaman kadagiti hoarding dagiti produkto a petrolyo iti baet ti panagngato ti presyo gapu iti epekto ti agtultuloy a riribok iti Middle East.
Iti maysa nga statement, inbatad ni Gen. Nartataez a banbantayan dagiti intelligence units da dagiti bodega gapu iti posibilidad ti hoarding ken dagiti kapada pay nga iligal nga aramid.
Inpetteng ni Nartatez a saan da nga agpangadua a mangarestar iti siasinno man a maaktwan da nga illegal nga agilemmeng ti suplay tapno maipangato ti presyo dagiti produkto a petrolyo.
Segun iti PNP chief, nakatoka ti Criminal Investigation and Detection Group, Maritime Group ken Highway Patrol Group tapno subaybayan ti possible nga aktibidad ti hoarding.
Innayon na a rugyan metten ti law enforcement agency ti makitinnulong iti Department of the Interior and Local Government (DILG) tapno makita no agtungtungpal dagiti aglaklako ti petroleum products iti masakupan da iti direktiba ti Department of Energy (DOE).
