LAOAG CITY – Ngimmato ti Gross international reserves (GIR) iti baro a record high idi Pebrero ita a tawen, babaen ti suporta ti nangatngato a balor ti balitok ken natalged nga external inflows kontra iti kaawan ti kinatalged ti pinansyal iti sangalubungan.
Basar iti datos manipod iti Bangko Sentral ng Pilipinas (BSP), ti Gross international reserves ket ngimmto iti $105 million wenn 0.1 percent month on month iti $112.72 billion agingga iti katapusan ti Pebrero ita a tawen.
Inbatad ti Bangko Sentral ng Pilipinas nga iti kada tawen ket adda ti panagngato ti Gross international reserves iti agarop 5 a porsiento manipod iti $107.39 billion.
Naartapan pay ti Gross international reserves ti dati a rekord nga $112.71 billion idi Setyembre 2024.
