LAOAG CITY – Inlawlawag ti Criminal Law Professor a ni Atty. Kidd Castro dagiti possible a sangwen a reklamo ti maysa a kameng ti Philippine National Police nga aksidente a nakapaltog ti akin-kannigid a saka ti agtawen ti 41 a babai, nga agministrative aide iti Mariano Marcos State University iti ciudad ti Batac.
Kuna na a no mapaneknekan a nagliway ti police nga addaan ti ranggo a corporal iti Philippine National Police iti ciudad ti Batac ket mabalin a sumango ti kaso kriminasl, aglalo ti Reckless imprudence resulting to less serious physical injury wenno mabalin pay ti panaglabsing ti Republic 10591 wenno ti saan nga umiso a panangiggem ti paltog, ken possible pay a sumango ti kaso administratibo wenno ti leglect of duty.
Nupay kasta, inbatad ni Atty. Castro a dagitoy a kaso ket mabalin a piyansaan.
Maipalagip a kabayatan ti panangdalos ti pulis iti paltogna
ket nakalbit na ti trigger ti paltog, no sadinno a simmaplot iti plywood ti bala a nakadamgiyasan ti saka biktima.
Dagus a naitaray ti biktima iti ospital para iti pannakataming na idinto a nakaikabil iti restrictive custody ti nasao a pulis iti police station ken ti paltogna ket adda iti crime lab para iti ballistic examination.
s
