LAOAG CITY – Saan a mailinged ni United States President Donald Trump ti pannakadismayana iti United Kingdom.
Daytoy ket kalpasan a saan a tumultulong iti gubat kontra iti Iran.
Partikular a dinakamat ni Trump ti personal a pannakitaripnongna ken ni British Prime Minister Keir Starmer no sadinno a nagkedked daytoy a mangipatulod kadagiti kagamitan para iti militar idiay Middle East.
Inpannakkelna a ti United Kingdom ket naiget a kaalyado ti Amerika nga adu ti ginastos ti Amerika iti North Atlantic Treaty Organizaiton (NATO).
Inadmitir ni Trump a saanna a masinunuo no sibibiag pay wenno natayen ti Supreme Leader ti Iran a ni Mojtaba Khamenei gapu ta saan pay a nagpakpakita daytoy ti personal sipud idi naelektaran iti puesto.
Immunan nga inrakurakna nga addan iti 90 a porsiento ti nadadael ti Estados Unidos gapu iti agtultuloy a panangatake.
Mamati ni Trump a saan nga usaren ti Israel ti nuclear weapons-da iti panangatake iti Iran.
