LAOAG CITY – Manamnama ti pannakaiyusat ti Occupational first aid training wenno basic life support iti nagduduma a barangay ditoy ciudad ti Laoag.
Segun kenni Mrs. Janet Retamal, ti mangidadaulo iti Commission on Population ditoy ciudad, ti nasao nga aktibidad ket pakikamayaten da iti Philippine Red Cross .
Kunana a dakkel dagiti akem dagiti Barangay Health Workers gapu ta isuda iti first responders kadagiti no adda dagiti emergency iti lugar da.
Inbatad na a masapol a masanay dagitoy tapno ammo da ti ar-aramiden da no adda dagiti rebbeng a marespondean.
Innayon na a babaen iti daytoy ket ad-adda a mapapintas ti serbisio da a mangtulong iti pada da a tao.
