LAOAG CITY – Intantan paylaeng ni US President Donald Trump ti pangta na a panangatake kadagiti power plants ti Iran kalpasan ti maipagarop a productive a panagsarita ti dua a pagilian, maysa a rakurak a naiget a naglikudan ti Tehran.
Segun ken ni Trump, naaddaan ti negosasyon ti Estados Unidos ken Iran para iti complete ken total resolution dagiti hostilities iti Middle East.
Gapu iti daytoy, linapdan na ti immuna nga 48 nga oras a deadline nga inpaay na idi Sabado no sadinno a nagballaag nga i-obliterate dagiti pasilidad ti Iran no saanna a lukatan ti Strait of Hormuz.
Gapu iti nasao a rakurak ket dagus a bimmagsak ti presyo ti oil ken gas iti world market.
Sakbay iti daytoy, nagsarita met da Trump ken UK Prime Minister Keir Starmer no sadinno nga inpetteng da a ti panaglukat ti Strait of Hormuz ket napateg iti panagsubli manen iti normal ti global shipping.
Iti baet dagiti rakurak ni Trump, inpetteng ti maysa a saan a nainaganan a source manipod iti maysa nga Iranian news agency nga awan ti napasamak a direkta a panagsarita iti nagbaetan da Trump ken ti Tehran.
