LAOAG CITY – Inbatad ti Council for the Welfare of Children (CWC) a dagiti nataengan a lallaki ti responsable iti kaadoan a panagsikog dagiti menor de edad a babbai iti pagilian.
Segun ken ni Council for the Welfare of Children executive director Angelo Tapales, masapol a ti ar-aramiden nga effort tapno maadalan ti publiko iti adolescent pregnancy ket mapapigsa tapno maliklikan dagiti nataengan a lallaki a makasikog kadagiti menor de edad wenno agtutubo.
Inlawlawag na a ti ar-aramiden ti gobierno iti daytoy ket ti mangsolusyon ti aspeto a kinarigat, ngem mangisaysayangkat da pay ti awareness tapno maprotehiran dagiti ubbing.
Nagpalagip ni Tapales a ti aniaman a sexual activity iti nagbaetan ti nataengan ken indibidual nga agtawen ti 16 agpababa ket maibilang kas rape iti babaen ti naamendaran a Anti-Rape Law.
Mainaig iti daytoy, inrakurak ni Tapales a ti panagsikog ken panaganak dagiti agtutubo a babbai ket bimmaba sipud idi 2022 idinto a ngimmato met kadagiti babbai nga agtawen ti 15 agpababa.
