LAOAG CITY – Kinondenar ti teachers’ group nga Alliance of Concerned Teachers (ACT) ti Department of Education gapu iti maipagarop a panagkurang da iti konsultasyon kadagiti mangisursuro sakbay nga inyuswat ti three-term school calendar mangrugi iti School Year 2026–2027.
Segun ken ni Alliance of Concerned Teachers Chair Ruby Bernardo, no pudno a nalawa ti konsultasyon ket saan koman a nakigtot ti kaadoan a mangisursuro.
Inpetteng na a saan nga umdas ti orientation cascade tapno ibilang a pudno a pannakipaset dagiti mangisursuro iti panagaramid ti pagannurutan.
Immunan nga inlawlawag ti Department of Education a ti panagbalbaliw ti sistema ket kas solusyon iti pannakasayang ti agingga iti 53 nga aldaw a klase idi School Year 2023–2024 ken gagem a makissayan ti workload ti mangisursuro iti babaen ti streamlined grading kent administrative scheduling.
Nupay kasta, inpalgak ti Alliance of Concerned Teachers a rebbeng koma nga ad-adda a tutukan ti reporma ti panagkurkurang ti bilang dagiti mangisursuro, support staff, pasilidad, learning materials, ken naurnus a sweldo imbes a ti panangbalbaliw ti kalendaryo.
Iti babaen ti three-term system, mangrugi ti klase intono Hunyo, nga addaan ti tallo a term nga addaan ti instructional blocks ken enrichment periods para iti remedial ken grading activities.
