LAOAG CITY – Adda ti sumurok 1,000 nga indibidual ti nagtitipon iti central Istanbul, Turkey tapno mangiwat ti tignay protesta kontra iti Estados Unidos ken Israel.
Inorganisar ti sumagmamano a religious conservative NGO ti nasao a tignay protesta kontra iti agtultuloy a gubat idiay Iran, Lebanon ken Palestine.
Kinondenar ti iwaywayat a panangatake ti Amerika ken Israel iti Iran pakairamanan iti panangiserra ti Israel ti Al-Aqsa Mosque.
Nagpanawagan dagitoy ti panagsardengen ti gubat gapu ta kumarkaro ti epektona nangruna kadagiti kaparanget a pagilian ti Iran.
Nagbalin a nakappia ti tignay protesta no sadinno a naiget a binantayan dagiti otoridad iti lugar.
