LAOAG CITY – Ado latta dagiti turista a napan bimmisita iti ili ti San Nicolas iti Semana Santa.
Daytoy ti nagbalin nga obserbasyon ni Ms Rian Simon, ti mangidadaulo iti Municipal Disaster Risk Reduction and Management Council iti ili ti San Nicolas.
Inbatad na nga iti baet ti mapaspasaran a krisis gapu iti dakkel a nagngatoan ti presyo dagiti produkto a petrolyo ket ado latta met dagiti napan bimmisita iti nasao nga ili iti holy week.
Karaman kadagiti nagturungan dagiti bisita ket iti dakkel a mall iti ili ti San Nicolas, iti simbaan ken dagiti karayan iti nasao nga ili.
Maipalagip a kadagiti dadduma nga ili ditoy probinsia, karaman ditoy ciudad ti Laoag ket naobserbaran a manmano laeng dagiti napan bimmisita kabayatan ti holy week, a ti maitudtudo a rason ket ti mapaspasaran nga oil crisis nga epekto ti agtultuloy a tension iti Middle East.
