LAOAG CITY – Pormalen nga inbilin ti House of Representatives ni Ombudsman Jesus Crispin Remulla a sumango iti sumaruno a panagdengngeg ti impeachment kontra ken ni Vice President Sara Duterte tapno isubmitir dagiti Statement of Assets, Liabilities, and Net Worth wenno SALN ti Bise Presidente.
Daytoy nga addang ket gapu iti rebelasion iti panagdengngeg ti komite a maipagarup a ngimmato ti sumurok 1,000 a porsiento ti baknang ni Duterte iti uneg ti sumagmamano a tawen.
Pinirmaan da House Committee on Justice chairperson ken Batangas Rep. Gerville Luistro pakairamanan ni House Speaker Faustino Bojie Dy III ti maysa a subpoena testificandum et duces tecum.
Imanmandar daytoy ni Remulla a mangitugot ti certified true copies ti Statement of Assets, Liabilities, and Net Worth ti Bise Presidente manipud 2022 agingga 2025 ken manipud 2007 agingga 2013.
Binalakadan ti komite ti Ombudsman kadagiti karebbenganna.
