LAOAG CITY – Inbilin ni Presidente Ferdinand Marcos Jr. ti dagus a pannakaiwaras ti P8 billion a balor ti subsidy kadagiti nasurok nga 42,000 a barangay tapno matulongan dagiti komunidad iti epekto ti krisis iti Middle East.
Inbatad ni Executive Secretary Ralph Recto iti maysa nga statement, nga iti tunggal barangay ket umawt ti P200,000 kas pondo para kadagiti proyekto da iti edukasion, sosial ken ekonomia babaen ti programa ti administrasion a “Bawat Barangay Makikinabang”.
Kagudua ti P200,000 a pondo ti mabalin a mausar kadagiti proyekto ti barangay, pakairamanan dagiti street lights, patrol vehicles ken closed-circuit televisions (CCTVs) tapno maitandudo ti kinatalged, wenno power generators para kadagiti health centers ken evacuation centers.
Ti sabali pay a kagudua ti pondo ket mausar iti “finisher program” para kadagiti residente a dandanin agturpos iti kolehiyo tapno saan a maitantan ti panagturpos da gapu iti pannakaapektar ti ekonomia a gubuay ti krisis iti Middle East.
