LAOAG CITY – Nagballaag ti World Health Organization (WHO) a sumagmamano nga ospital iti Lebanon ket mabalin a maibusan ti life-saving trauma medical kits iti uneg laeng ti sumagmamano nga aldaw kalpasan ti nalawa a casualties manipod iti agtultuloy nga Israeli strikes.
Segun ken ni World Health Organization representative Dr. Abdinasir Abubakar, alisto a misbus ti trauma supplies kas ti bandages, antibiotics, ken anesthetics gapu iti bigla a panagado dagiti nasugatan a kaadoan ket sibilyan.
Kuna na pay a no adda ti baro a mass casualty incident, possible a kumaro ti krisis iti ospital gapu iti panagkurkurang ti ramit ken agas.
Innayon ti World Health Organization nga uray dagiti agas a para iti chronic illnesses kas ti insulin ket possible a maibus kadagiti sumaruno a lawas gapu iti naputed a supply chains ken ngumatngato a delivery costs.
Iti agdama, manarimaan ti pannakikoordinar ti World Health Organization ken iti Lebanese health authorities tapno maiyakar ti nabatbati a supply kadagiti ospital, ngem admitiren da a marigatan unay ti health system iti agtultuloy a krisis.
