LAOAG CITY – Inawaten ni Prime Minister Viktor Orbán ti pannakaabak na kalpasan ti 16 a tawen na iti turay idiay Hungary.
Daytoy ket kalpasan nga inabak ni Péter Magyar babaen ti landslide victory iti kalepleppas nga eleksyon iti nadakamat a pagilian.
Nakagun-od ni Magyar ti nasurok a 95 a porsiento a botos.
Maipalagip a ni Orban ket nasinged a kaalyado da US President Donald Trump ken Russian President Vladimir Putin.
Ni Magyar, a dati met a kaalyado ni Orbán ngem nagbalin a napinget a kritiko na ket inkari na ti ad-adda a pannakapatibker ti relasyon ti Hungary iti European Union.
Iti panagbitla ni Magyar, inbatad na a ti panangabak na kas baro a Prime Minister ti Hungary ket balligi amin dagiti Hungarians.
