LAOAG CITY – Inrakurak ni Department of the Interior and Local Government (DILG) Secretary Jaunito Victor “Jonvic” Remulla a mangipatungpal da kadagiti review ken dagiti sumagmamano a konsiderasyon iti implementasyon dagiti maipatpatungpal nga ordinansa iti babaen ti Safer Cities Initiatives.
Daytoy ket kalpasan a nakaawat ti sumagmamano a report iti panagtiliw dagiti otoridad mainaig iti maysa nga insidente ti panaglabsing iti Mandaluyong City.
Segun pay ken ni Remulla, iti baet ti panangipadalan da ti rebyu, agtultuloy ti istrikto a panangipatungpal kadagiti ordinansa mainaig iti daytoy nga inisyatibo para iti naur-urnus nga implementasyon daytoy.
Kabayatanna, karaman kadagiti marebisar ket ti inisyatibo ti panangikompara kadagiti nairekord a krimen iti kapada a panawen manipod idi 2024 ken 2025 tapno makita no epektibo ti nagbalin ng implementasyon ti pagannurutan.
