LAOAG CITY – Saan a madanagan ti kampo ni Vice President Sara Duterte iti aramiden a panagtestigo ni Ramil Madriaga, ti self-confessed “bagman” ti Bise Presidente iti isayangkat nga impeachment hearing kontra kenkuana iti Kamara de Representantes inton bigat, Abril 14.
Inbatad ni Atty. Salvador Paolo Panelo Jr., legal counsel ni Duterte, ammoda nga inuulbod laeng dagiti ibaga ni Madriaga ken kabaelanda a paneknekan iti proper forum.
Inpasiguradona a saan a lappedan ti kampo ti Bise Presidente ni Madriaga iti panagtestigo daytoy gapu ta mamati isuda nga isuna ket “weakest link” ti impeachment case.
Immunan a pinalubosan ti Manila Regional Trial Court (RTC) ni Madriaga nga agatendar iti impeachment hearing ni Duterte iti House Committee on Justice inton bigat.
