LAOAG CITY – Posible nga agkasapulan ti Department of Agriculture (DA) ti nayon a P40 bilyon a pundo no bilang agtultuloy ti krisis iti langis.
Inbatad ni Agriculture Secretary Francisco Laurel Jr., adda laeng ti ahensia ti P150 million para iti fuel subsidy ken P10 billion manipud iti Presidential Assistance to Farmers and Fishermen.
Maipapan iti abono, kunana a kasapulan ti P30 billion.
Iti agdama, segun iti sekretario, kagudua laengen ti pundoda para iti abono.
Innayonna a kasapulan ti Department of Agriculture ti nayon a P20 billion para iti rice farmers ken nayon a P10 billion tapno suportaran dagiti mangngalap.
