LAOAG CITY – Inbatad ni U.S. President Donald Trump nga immanugoten ti Iran a kaanuman ket saanen a maiserra ti Strait of Hormuz.
Daytoy ket kalpasan nga inrakurak ti Iran ti panaglukat ti Strait para kadagiti commercial vessels kalpasan ti ceasefire iti Lebanon.
Iti maysa a post, kuna ni Trump a saanen a mausar kas armas kontra iti lubong ti Strait of Hormuz.
Inpettengna a ti katulagan ket maisina iti sitwasyon iti Lebanon.
Maragsakan ti Amerika iti panaggunay ti negosasyon iti nagbaetan ti Estados Unidos ken Iran.
Nagyaman met ni Trump iti Pakistan iti papel na iti mediation, ken dinayaw na dagiti opisyal na a timmulong iti isyu.
Nupay kasta, iti baet ti panaglukat manen ti Strait of Hormuz, inbatad ni Trump nga agtalinaed ti U.S. blockade iti Iran agingga a naan-anay a malpas ti katulagan ti dua a partido.
