LAOAG CITY – Nagballigi dagiti otoridad a nangarestar iti maysa a lalaki a sumangsango iti kaso a panagtakaw iti ili ti Dingras.
Daytoy ti inpakammo ni Police Major Kristian Lee Badua, ti pannakangiwat iti Ilocos Norte Police Provincial Office.
Segun ken ni Badua, ti akusado ket agtawen ti 28, addaan ti live-in partner, awanan ti trabaho ken residente iti Barangay Madamba iti ili ti Dingras.
Inbatad ni Badua a naarestar ti akusado babaen ti bileg ti warrant of arrest a napetsaan ti Abril14, 2026 nga inisyu ni Hon. Johnson Vain Padre, presiding judge iti RTC Branch 13, First Judicial Region, Laoag City gapu iti kaso na a qualified theft.
Nairekomendar ti 40 a ribo a pisos a pagpiyansa ti akusado para iti temporaryo a pannakawaya-waya na.
