LAOAG CITY – Binuraken ni Leyte Representative ken dati nga House Speaker Martin Romualdez ti panagulimek na maipanggep iti pannakairaman ti nagan na kadagiti maanomalya a flood control projects ken kurapsyon.
Inbatad na a naiget a pammabalaw ti naibatbato kenkuana isut gapuna a nagdesisyon nga agsaritan mainaig kadagiti alegasyon kontra kenkuana.
Inpetteng na a nakasagana a sumango iti amin nga aniaman a kaso a maibatbato kenkuana.
Inpalgak na nga adda dagiti grupo a mangdadael iti imahe na no saan nga umannugot nga agbalin nga ‘escape goat’ laeng para iti interest ti sabali.
Maipalagip a saan a pinalubusan ti Office of the Ombudsman ni Romualdez nga agbiyahe idiay Singapore para iti medical checkups na.
Kiniddaw pay ni Ombudsman Jesus Remulla iti Anti-Money Laundering Council nga ipa-freeze dagiti sanikua ni Romualdez gapu iti pannakairaman na kadagiti kurapsyon.
