LAOAG CITY – Mangbukbukel ti baro a plano ti US military tapno puntiryaen ti depensa ti Iran iti Strait of Hormuz no mapaay ti ceasefire.
Daytoy ket basar iti sumagmamano a sources a pamilyar iti nasao nga isyu.
Karaman iti sumagmamano nga ikonkonsiderar ket dagiti panagraot a nakatutuk iti “dynamic targeting” iti kapasidad ti Iran iti lawlaw ti Strait of Hormuz, southern Arabian Gulf ken Gulf of Oman.
Inladawan pay dagiti sources ti potensiyal a panagatake kontra iti babassit a fast attack boats, panagimula ti mina kadagiti barko ken dadduma pay nga asymmetric assets, a nakatulong iti Iran tapno epektibo a maiserra dagiti kangrunaan a ruta iti baybay ken usaren dagitoy kontra iti Amerika.
Naamoan a dagiti baro a plano ket mangaw-awag para iti maysa a concentrated a kampanya ti panagbomba iti lawlaw dagiti estratehiko a pagayusan ti danom.
Segun pay kadagiti sources, mabalin nga isaruno ti US military ti dati a pangta ni US President Donald Trump a panangpuntirya ti dual-use ken infrastructure targets, karaman ti energy facilities, tapno mapilitan ti Iran a makidayalogo iti Estados Unidos.
