LAOAG CITY – Inrakurak ni Vice Mayor Rey Carlos Fariñas a kadagupan kadagiti 80 a barangay ditoy siudad ti Laoag ket adda ti 12 a barangay ti saan a mabenbenepisiaran ti Ilocos Norte Water District – Prime Water gapu ta saan a dumanon ti danum kadagitoy.
Segun kenkuana, dagitoy a barangay ket pakairamanan iti Barangay Calayab, Sta. Rosa, Lataag, Bacsil North, Bacsil South, Ila, Casili, Caoacan, Cataban, Navotas A ken Navotas B.
Inbatad ni Fariñas, nakisaritadan iti pannakabagi ti Prime Water ket inikkanda ti tallo a bulan tapno solbaren ti problema gapu ta kaasi dagiti umili no saan a makadanon ti danum kadagiti pagtaenganda wenno nakapsot daytoy.
Nupay kasta, kunana a kasapulan ti third party a pagalaan para iti naan-anay a suplay ti danum para kadagiti residente.
Kunana nga iti ili ti Pagudpud ket adda ti sabali a mangsupsuplay ti danum isut gapuna a no mabalin ket kastoy ti maaramid ditoy siudad ti Laoag.
Kabayatanna, naiyendorsar daytoy a parikot iti Chairman ti Committee in Housing Urban Development para iti naan-anay a pannakasolbarna.
