LAOAG CITY – Dinayaw ni North Korean Leader Kim Jong Un dagiti soldado da a nangkettel ti biagda babaen ti panangimul da ti bomba iti bukod da a bagi kabayatan ti pannakilaban da para iti Russia kontra iti Ukraine.
Iti panagbitla ti North Korean Leader, inbatad na a dagiti soldado da a saan a nagpangadua a nangpabettak ti bukod da a bagi tapno saan a makemmeg dagiti tropa ti Ukraine, ket maibilang dagitoy a banuar.
Naamoan nga iti North Korea ket nasursurwan dagiti soldado da a ti panangitulok a makemmeg a sibibiag dagiti kabusor ket maibilang a pananggulib iti bukod da a pagilian.
Iti datos ti South Korea, mapatta-aptta nga umabot iti 15,000 a North Koreans ti naipatulod tapno tumulong iti Russia a mangpasubli iti sumagmammano a paset ti western Kursk, ken nasurok nga 6 a ribo dagiti natay.
