LAOAG CITY – Inaprubaran ti parliament idiay Britanya ti nailungalong a gakat para iti pannakaipawil kadagiti agtawen ti 17 agpanbaba iti panaggatang ken panagusar ti vape ken sigarilyo.
Ti Tobacco and Vapes Bill ket gagem na a malapdan dagiti naiyanak ti Enero 1, 2009 nga itan ket agtawen da ti 17 manipod iti panagsigarilyo.
Inawagan ni Health minister Wes Streeting ti adding kas “historic moment” para iti salun-at ti nasyon, a kaunaan nga addang a mangitunda ti smoke-free generation, ken maprotehiran manipod iti tungpal biag a pannakaigamer iti sigarilyo wenno vape dagiti agtutubo ken ubbing idiay Britanya.
Apaman a mapagbalin a naan-anay a linteg ti gakat ket mangipaay ti otoridad ti gobierno a mangipalawa ti indoor smoking ban iti outdoor spaces kas kadagiti playground ken lugar iti ruwar ti pagadalan ken ospital.
