LAOAG CITY – Inpasigurado ni Presidente Ferdinand Marcos Jr. a ti P2 trillion nga investment a naaprubaran iti napalabas a tawen ket manamnama a mangparnuay iti nasurok-kumurang 150,000 a trabaho.
Adda ti 150,000 a job vacancies a maididiaya kadagiti 94 a job fair sites iti intero a pagilian agingga iti katapusan ti Mayo.
Adda met ti agarop 6,000 job fairs ti naisayangkat manipod Hunyo 2022 agingga iti Pebrero 2026, no sadinno a nasurok a 1.5 milyon a job seekers ti nakipaset ken nasurok 250,000 met ti na-hire on the spot manipud idi 2022.
Innayon na a naipatungpal dagiti wage increases kadagiti sumagmamano a rehion, agraman ti Northern Mindanao ken Caraga, kas paset iti panangpasayaat ti trabaho ken mapastrek dagiti mangmangged.
