LAOAG CITY – Addan ni Taiwan President Lai Ching-te idiay Eswatini, sumagmamano nga aldaw kalpasan a kinanselar ti gobierno na ti biyahe da gapu iti panang-pressure ti China iti sumagmamano a pagilian iti Africa tapno lapdan da nga agbiyahe iti teritoryo da.
Ti ibibisita ni Ching-te iti Eswatini, ti kakaisuna a kaalyado ti Taiwan iti Africa ket napasamak sumagmamano nga aldaw kalpasan ti naannad a katulagan babaen ti diplomatic ken national security teams.
Indiskribir ti China ti ibibisita ti Taiwan iti Eswatini kas “stowaway-style escape farce”.
Inpalgak ti China a ti Taiwan ket paset ti teritoryo da isut gapuna nga awan ti karbengan na iti state-to-state relations.
Karaman kadagiti delegasyon ti Taiwan ket isuda Foreign Minister Lin Chia-lung ken National Security Council Adviser Alex Huang.
