LAOAG CITY – Umabot iti 10 a tattao ti nasugatan iti napasamak a pammaltog iti lakeside party idiay Oklahoma.
Napasamak ti pammaltog iti asideg ti Arcadia Lake iti eastern Edmond, agarop 13 a milya manipod iti amianan ti Oklahoma City no sadinno a nagtitipon dagiti agtutubo.
Segun ken ni police spokesperson Emily Ward, naitaray dagiti biktima iti ospital iti nagduduma a sitwasyon da no sadinno a dagiti dadduma ket kinabaelan da paylaeng ti nagmaneho.
Agpapan maisursurat daytoy a damag ket awan pay ti naarestar a suspek ken saan pay a naestablisar ti motibo iti insidente.
Ti Arcadia Lake ket artificial reservoir a nalatak a pagpipiknikan, fishing, ken pagkampingan.
