LAOAG CITY – Nakastreken iti maikadwa a round ti Italian Open ni Pinay tennis star Alex Eala.
Daytoy ket kalpasan nga inabak na ni Magdalena Frech ti Poland iti tallo a sets 6-0, 3-6 ken 6-4.
Nagbalin a napintas ti panangrugi ti first set ngem apaman a nadanun ti maikadwa a set ket ditoyen a simmubot ti Polish tennis star.
Apaman a nakastrek ti maikatlo a set ket isu met ti panangipakita ti naiget a laban ti agtawen ti 20 a ni Eala agingga a nakalusuten daytoy.
Nagbilib met ni Frech iti inpakita a kinalaing ni Eala.
Sumaruno a makasango ti World number 42 a ni Eala ni World number 33 a ni Wang Xinyu ti China a nakagun-od ti bye iti umuna a round.
