LAOAG CITY – Napaay ti petisyon nga inpila ni Atty. Mans Carpio a malapdan ti impeachment proceedings kontra iti asawa na a ni Vice President Sara Duterte.
Daytoy ket kalpasan nga inbasura ti Quezon City Regional Trial Court (RTC) Branch 81 ti reklamo ti kampo ni Carpio.
Basar iti korte, awan ti hurisdiksyon ti Regional Trial Court tapno makibiang iti bileg ti kamara de representantes a mangisayangkat ti impeachment proceedings a maiyataday iti Konstitusyon.
Nagkedkedan pay ti korte ti kiddaw a writ of preliminary injunction kontra kada House Speaker Bojie Dy, House Committee on Justice chairperson Rep. Gerville Luistro, ken Bureau of Internal Revenue Commissioner Charlito Martin Mendoza.
Inpaganetget ti korte nga adda ti bileg ti House Committee on Justice a mangisyu ti subpoena kas paset ti constitutional mandate da iti impeachment process.
Napasamak daytoy kalpasan ti panangaprubar ti House Committee on Justice iti Articles of Impeachment kontra ken ni Vice President Duterte, a naikeddeng a pagbobotosan iti plenaryo ti Kamara de representantes intono Mayo 11, 2026.
