LAOAG CITY – Agtalek ni Commission on Elections (Comelec) Chairman Erwin George Garcia a maisayangkat ti 2028 national elections uray dua pay a tawen ti urayen.
Reaksyon daytoy ni Garcia iti nairakurak ni Vice President Sara Duterte iti interview kenkuana idiay The Hague a mangnamnama a maaramid paylaeng ti Pilipinas ti sumaruno nga eleksyon ti kina-presidente intono 2028.
Segun ken ni Garcia, sigurado daytoy a maiwayat ti national elections ken agtultuloy ti panagsagsagana da par aiti daytoy.
Innayon ni Garcia a 50 ken 60 porsyento ti nalpasen iti panagsagsagana da.
