LAOAG CITY – Ad-adalen ti Iran ti baro a proposal ti Estados Unidos tapno lippasen ti gubat iti Middle East kabayatan a pumigpigsa ti kontrol ti Iran iti Strait of Hormuz.
Basar kadagiti report ti shipping industry, inbatad ti maritime intelligence firm a Lloyd’s List a nakaserran ti nasao nga strait kalpasan a nangipatungpal ti naig-iget a clearance system ti Iran para kadagiti barko a dumaldalyasat iti lugar.
Rumrummuar a ti Iran ket nangestablisar ti baro nga ahensia nga isu ti mangiggem iti panangaprobar ti panagdalyasat dagiti barko iti ruta a maibilang a maysa kadagiti kapapatgan a shipping lanes iti lubong.
Gapu iti daytoy, mapatta-patta nga umabot iti 1,500 a barko ken sumurok-kumurang 20,000 a tripulante ti na-stranded iti Persian Gulf, basar iti International Maritime Organization (IMO).
