LAOAG CITY – Sinungbatan ni Presidential Communications Office Undersecretary Claire Castro iti rakurak ni Vice President Sara Duterte nga inawagan isuna a “papansin.”
Daytoy ket kalpasan nga inbatad ni Duterte a maipagarup a saan a nasken nga ikkan ti importansia dagiti irakrakurak ni Castro gapu ta nafi-feed ti “papansin” nga ugali daytoy.
Kuna ni Castro awan ti “papansin” nga ugali ken sumungsungbat laeng isuna kadagiti saludsod ti media.
Inlawlawagna nga awan ti ipapaayna a rakurak a saan a maiyataday iti Palasyo ken saan daytoy nga agpappapansin ken ni Duterte.
Adda ti sungbat ni Castro iti Bise Presidente iti inrakurak daytoy a saan nga agtrabtrabaho ni Presidente Ferdinand Marcos Jr.
Dinepensaan met ni Castro ni Presidente Marcos ken inpetteng a makumikom daytoy iti ASEAN Summit ken kinitana ti situasion idiay Albay kagiddan ti panagalburoto ti Bulkan Mayon.
