LAOAG CITY – Inbatad ni US President Donald Trump a nagtalinaed paylaeng ti ceasefire iti nagbaetan da iti Iran.
Daytoy ket uray naaddaan ti rinnupak ti dua a partido iti Strait of Hormuz.
Inakusaran ti top military ti Iran a pinuntirya ti Estados Unidos ti Iranian oil tanker da ken sumagmamano dagiti barko nga umas-asideg iti Strait of Hormuz.
Malaksid iti daytoy, nangiyuswat met ti Estados Unidos ti “aerial attacks” iti sumagmamano a coastal areas iti lugar.
Inkalintegan met ti Estados Unidos a simmubbot da laeng kalpasan a naraot ti Navy guided-missile destroyers da iti Strait.
Inpanakkel met ni Trump nga ado dagiti danyos a nagun-od da iti panagatake ken inpasigurado na a nagtalinaed ti ceasefire deal.
