LAOAG CITY – Inrakurak ti Department of Health (DOH) nga adda ti 38 a Filipino crew manipud iti maysa a cruise ship nga adda iti nasayaat a kasasaad ken awan ti sakitda nga Hantavirus.
Inbatad ni Department of Health spokesperson Albert Domingo a ti cruise ship basar iti verified World Health Organization (WHO) pages ket nakadaong iti Cabo Verde nga asideg iti Atlantic Ocean ken addaan ti sumurok 100 a pasahero ken dagiti nasao a Filipino crew members.
Ti anunsio ni Domingo ket kalpasan a naipadamag ti tallo a pasahero ti natay gapu iti virus idinto a tallo a dadduma pay a pasahero ti manarimaan a matamtaming idiay Netherlands.
Basar iti World Health Organization, inwayat ti evacuation iti pannakikoordinar ti ship operator ken dagiti health authority manipud iti Cabo Verde, United Kingdom, Spain, ken Netherlands.
Agtultuloy nga imon-monitor ti kasasaad dagiti pasahero ken crew pakairamanan dagiti nakababan iti barko para iti posible a follow-up ken nayon a medical assessment no kasapulan.
