Inbatad ni Senator Imee Marcos ti maipagarup a nai-diaya nga incentive package para kadagiti kongresista nga agbutos a pabor mainaig ti impeachment ni Vice President Sara Duterte, daytoy ket kalpasan ti sumagmamano nga aldaw ti panagbubutos iti Kamara de Representates.
Segun kenkuana, karaman a nai-diaya iti P5 minilyon a cash, argaman ti P3 minilyon a Maintenance and Other Operting Expenses (MOOE) ti tunggal bulan, ken P150 minilyon a gatad ti proyekto.
Malaksid iti daytoy, dagiti agbutos ti no wenno saan nga umannugot kontra iti impeachment ket sumango iti kaso ken maawanan iti budget.
Naiget met a naglikudan ni House Justice Committee chairperson Gerville Luistro ket kinunana nga awan ti kapadasanna wenno nangngeg nga adda kastoy a nai-diaya manipud ti impeachment hearings.
Kabayatanna, awan pay ti sungbat manipud ti kampo ni VP Sara, Office of the President ken liderato ti Kamara mainaig iti alegasion.
