LAOAG CITY – Umabot iti 39 a tattao ti natay iti Israeli strikes idiay Lebanon.
Basar iti report, maysa kadagiti pinuntirya ti Israel ket iti southern town ti Saksakiyeh a nakatayan ti pito a tattao a pakairamanan ti maysa nga ubing.
Inbatad ti Israel Defense Forces (IDF) a ti kangrunaan a puntirya dagiti ipatpatungpal da a panagraot ket ti Lebanese armed group Hezbollah ken saanda nga inpagarop nga adda dagiti nairaman a sibilyan.
Naamoan a kaadoan kadagiti pinuntirya ti air strikes nga inpabanto ti Israel ket ti abagatan a paset ti Lebanon.
