LAOAG CITY – Bimmaba ti crime rate iti Pilipinas iti 12 a porsiento iti umuna a bolan a pannakaipatungpal ti anti-crime program a “Safer Cities” initiative.
Daytoy ti inpanakkel ti Philippine National Police (PNP).
Basar iti datos ti Philippine National Police, adda ti pakabuklan a 2,684 a focus crimes ti nairekord manipod idi Abril 6 ita a tawen a pannakai-launch ti kampanya.
Ti nasao a bilang ket nababbaba ngem ti 3,047 a focus crimes a nairekord manipod Marso 6 agingga iti Abril 5 ita a tawen.
Inpakaammo ti Philippine National Police a karaman kadagiti bimmaba a krimen ket ti kaso a rape a bimmagsak ti 25 a porsiento no sadinno a manipod iti 519 ken nagbalin a 387 cases, idinto a ti physical injury cases, ket bimmaba met ti 24.3 percent manipod 489 ket nagbalin a 370 cases.
Mainaig iti daytoy, inrakurak ni PNP chief Gen. Jose Melencio Nartatez Jr. a ti nagapwanan ti organisasyon ket resulta ti naiget a panagtrabaho dagiti police personnel tapno mapagtalinaed ti linak, urnus ken talna iti intero a pagilian.
