LAOAG CITY – Pormal nga ag-convene ti Senado kas impeachment court intono Mayo 18, 2026 tapno marugyan ti panagdengngeg iti impeachment kontra ken ni Vice President Sara Duterte.
Daytoy ti inbatad ni Senate President Alan Peter Cayetano.
Iti surat ni Cayetano ken ni House Speaker Faustino Dy III a napetsaan ti Mayo 14, kinumpirmaran a naawaten ti senado iti articles of impeachment ken dagiti dadduma pay a dokumento nga inpatulod ti Kamara de Representantes idi rabii ti Mayo 13.
Segun ken ni Cayetano, ag-convene ti impeachment court iti oras ti alas-3 ti malem kas maiyataday iti Senate Rules of Procedure on Impeachment Trials ken iti mandato ti Konstitusyon.
Sumangsango ni Duterte kadagiti reklamo nga adda ti pakainaigan iti maipagarop a saan nga umiso a panagusar ti pondo ti publiko, saan a mailawlawag a kinabaknang ken maipagarop a panagpangta kontra ken ni Presidente Ferdinand Marcos Jr., First Lady Lisa Araneta Marcos ken dati nga Speaker Martin Romualdez.
