LAOAG CITY – Nagkedkedan ti Korte Suprema ti kiddaw a Temporary Restraining Order (TRO) ken status quo ante order a a gagem na a piliten ti Senado ken ti Senate Blue Ribbon Committee a pagtalinaeden ken iparuk-at dagiti orihinal a draft report ti imbestigasyon da iti maanomalya a flood control mess.
Imbes a mangiparuk-at ti Temporary Restraining Order, inbilin ti Korte Suprema iti Senate Blue Ribbon Committee, nga indaulwan idi ni Senador Panfilo “Ping” Lacson, ken committee members a da Senators Juan Miguel Zubiri, JV Ejercito, ken Sherwin Gatchalian, a mangisumitir ti komento wenno palawag da iti uneg ti 15 nga aldaw.
Maipalagip a dagiti abogado nga isuda Eldrige Marvin Aceron, Sikini Labastilla, ken Purificacion Bartolome-Bernabe ti nagpila ti petisyon a madamus ken certiorari tapno obligaren ti komite nga iparukp-at ti saan pay a na-edit wenno sibubukel a bersyon ti draft partial report.
Nupay kasta, basar iti komite, saan pay nga opisyal ti partial report ken daytoy ket prot-protehiran ti deliberative process privilege, tapno saan a maapektaran wenno butbutngen ti nawaya a diskusyon iti uneg ti gobyerno.
Basar met kadagiti petitioner, saanen a mabalin nga usaren ti komite ti nasao a pribilehiyo gapu ta natrataren ken inpublikaren ni Senador Lacson dagiti linaon ti draft report iti media, karaman dagiti rekomendasyon a pilaan ti kaso a plunder ti sumagmamano nga opisyal.
