LAOAG CITY – Nagdelakarar ti World Health Organization (WHO) kas ‘public health emergency of international concern’ ti Ebola outbreak iti Democratic Republic of Congo (DRC) ken Uganda.
Segun iti World Health Organization (WHO), ti outbreak ket gapu iti Bundibugyo virus ngem saan pay daytoy a maibilang kas pandemic emergency.
Inbatad ti United Nations (UN) health nga adda nai-rekord a mapatta-patta nga 80 a pimmusay, 8 a laboratory-confirmed cases, ken 246 a suspected cased iti Ituri Province iti Democratic Republic of Congo (DRC), karaman payen dagiti lugar a Bunia, Rwampara, len Mongbwalu.
Immunan nga inanunsio ti Democratic Republic of Congo (DRC) health ministry nga 80 nga indibidual ti pimmusayen it baro nga outbrek iti daya a paset ti probinsia.
Iti Kampala, Uganda, in-record met ti World Health Organization (WHO) ti 2 laboratory-confirmed cases, karaman ti maysa a pimmusay manipud kadagiti biyahero a naggapu iti Democratic Republic of Congo (DRC).
Malaksid iti daytoy, adda met laboratory-confirmed cases iti Kinshasa, kabisera ti Democratic Republic of Congo (DRC) , manipud met iti maysa nga indibidual a nagsubli manipud iti Ituri province.
