LAOAG CITY – Indeklarar ti World Health Organization (WHO) ti Ebola outbreak iti Democratic Republic of Congo kas public health emergency ti international concern.
Segun iti ahensya, ti outbreak iti dayaen ti eastern Ituri province iti Democratic Republic of Congo ket addaanen ti agarop 246 a suspected cases ken 80 dagiti pimmusay, no sadinno a saanna a nagun-od ti criteria ti pandemic emergency.
Nupay kasta, nagballaag ti World Health Organization a dakkel ti posibilidad na a lumawa pay ti outbreak no saan a naan-anay a matutukan.
Ti agdama nga strain ti Ebola ket itunda ti Bundibugyo virus ken awan pay ti naaprubaran nga agas wenno bakuna kontra iti nasao a sakit.
Naamoan a karaman kadagiti sintomas ti ebola virus ket ti panaggurigor, panagsakit dagiti susuup, alisto a pannakabannog, panagsakit ti ulo ken karabukob, panag-vomit, diarrhea, ken panagpadara.
