LAOAG CITY – Nagballaag ni Mr. Marcel Tabije iti Provincial Resiliency Office iti gobierno probinsial kadagiti umili kontra kadagiti sakit a mabalin a mapasaran iti panawen ti kalgaw.
Segun kenni Tabije, maysa ti Ilocos Norte kadagiti probinsya a makapaspasar ti nakaro a kinabara ti panawen.
Kunana a nasken a maipangpangruna ti salun-at babaen ti panagtalinaed iti uneg ti balay no awan ti napateg nga aramiden iti ruwar.
Maipalagip iti agdama ken uray kadagiti napalabas nga aldaw ket makairekrekord ti probinsya ti nangato a temperatura.
