LAOAG CITY – Inbasura ti Pre-Trial Chamber I ti International Criminal Court (ICC) ti kiddaw ti depensa ni dati a Presidente Rodrigo Duterte a palubusan dagitoy nga iyapela ti nagbalin a desisyon maipanggep kadagiti kaso a “crimes against humanity” mainaig ti ‘war on drugs’ campaign ti dati nga administrasyon.
Iti 12 a pinanid a desisyon, agpapada nga inbasura ti tallo nga huwes a da Presiding Judge Iulia Antoanella Motoc, Judge Reine Adélaïde Sophie Alapini-Gansou, ken Judge María del Socorro Flores Liera ti kiddaw ti depensa ti dati a presidente.
Basar iti kampo ni Duterte nalawa unay ti nagbali a sakop dagiti nasao a kaso.
Nupay kasta, kuna ti prosekusyon nga usto ti nagbalin a panangidasar ti korte iti sakupen dagiti kaso ti dati a presidente ken nailawlawag met dagiti nagibasaran nga ebidensya a nausar iti desisyon.
