LAOAG CITY – Nagballigi dagiti otoridad a nangarestar iti maibilang a Top 2 Most Wanted Person iti Ilocos Sur.
Nabigbig ti suspek a ni Uztine Kyle Lizardo, agtawen ti 20, awanan asawa, ken residente ti Brgy. Baliw Laud, Sta. Maria, Ilocos Sur.
Naarestar ti suspek iti bileg ti warrant of arrest nga inparuk-at ni Hon. Fatima Vitamog Querubin, Presiding Judge, Family Court, First Judicial Region, Branch 9, Narvacan, Ilocos Sur a napetsaan ti Mayo 4, 2026 gapu iti kaso na a panaglabsing ti (3 counts) ti Section 5(b) ti Republic Act No. 7610 wenno Acts of lasciviousness or sexual abuse.
Narekomendaran ti suspek ti P600,000.00 a piyansa na para iti temporario a pannakawaya-wayana.
Iti agdama, nagtalinaed ti suspek iti Criminal Investogation and Detection Group (CIDG) para iti umiso a dokumentasion ken manamnama ti pannakaidatagna iti korte a naggapoan ti warrant of arrest.
