LAOAG CITY – Binigbig ti World Health Organization ti panangikagumaan ti Pilipinas a papigsaen ti global health workforce ken pagtalinaeden a natalged ti lubong manipud iti panagwaras dagiti virus basar iti Department of Health.
Inbatad ni Department of Health Secretary Ted Herbosa, binabalanse ti ahensia ti panagtulong iti dadduma a pagilian ken ti panangsolbar iti pagkasapulan ti bukud a sistema para iti salun-at.
Kunana a ti solusion iti kinakurang ti nurses iti lubong ket saan laeng a recruitment no diket pakairamanan ti knowledge-sharing, training ken capacity building no sadinno a makatulong dagiti Department of Health healthcare worker iti dadduma a pagilian iti babaen ti clinical competence ken nangato nga standards-da.
Inpetteng ti Department of Health kagiddan ti rakurak ni World Health Organization Director-General Tedros Adhanom Ghebreyesus a napateg ti kooperasion dagiti pagilian gapu ta dagiti virus ken sakit ket saan nga agpilpili ti pagpatinggaan wenno pulitika.
