LAOAG CITY – Inpsigurado ni PBGen. Jovencio Badua Jr., Acting Regional Director ti Police Regional Office 1 nga ad-adda a matutukan dagiti pulisi iti rehion uno tapno saan dagitoy a mairaman kadagiti krimen.
Kunana a kalpasan iti pannakadutokna kas Chairman of the Disposition of Administrative Cases iti Philippine National Police (PNP) Police Regional Office 1 ket ditoy a nakitana a nababa ti bilang dagiti pulis nga addaan ti kasona.
Segun kenkuana, napintas daytoy gapu ta ammona nga addaan ti disiplina dagiti pulisia iti PRO 1.
Mainaig iti daytoy kunana a daytoy kadagiti maysa kadagiti tutukanna tapno ad-adda a bumaasit dagiti kaso dagiti pulis.
Inayonna nga no agday off dagiti pulis ket saan a maliklikan a mapasubo dagitoy iti gulo ngem kasapulan a maimplementar kadagitoy iti role nga Anti Criminality Campaiagn tapno mapagtalinaed iti integridad dagitoy.
