LAOAG CITY – Nakaawat ti surat ni Vice Mayor Rey Carlos Fariñas ti surat manipud iti Hawaii Island mainaig iti saan nga umiso a serbision ti maysa nga opisial ditoy siudad ti Laoag.
Segun kenkuana, ti nagsurat ket immay ditoy pagilian manipud Hawaii tapno urnosen dagiti sanikuada a daga.
Idinto nga ited ti opisial dagiti dokumento ket inpurwakna dagiti papeles ken dokumento kageddan ti panangipettengna nga ammona ti nakailanad iti linteg.
Nakailanad iti surat a rumbeng kuma a binasana nga umuna t dokumento sakbay nga agkomento ngem saan daytoy nga inaramid ti opisial.
Gapu iti dytoy, kiniddaw ti Bise Mayor kadagiti opisial a no saanda nga kabaelan ti mangited respeto ken umno a trato kadagiti umili ket saanen nga agpaidasig pay inton sumaruno nga eleksion.
Innayonna a dagiti umili ti nangibutos kadakuada isu nga karebbenganda ti mangipaay ti umno a serbisio.
Kabayatanna, inpalagip manen iti Bise Mayor ti human rights and good governance.
