LAOAG CITY – Nangipatungpal manen ti panagbalasa ti sumagmamano a nangato nga opisyal ti Philippine National Police.
Iti naiparuk-at a pammilin ket nadutukan ni Directorate for Education and Training (DET) Deputy Director P/Brig. Gen. Arnold Ibay kas baro nga hepe ti National Capital Region Police Office (NCRPO) idinto a ti sukatan na a ni P/Brig. Gen. Randy Arceo ket maikabil iti Personnel Holding and Accountability Unit (PHAU).
Sukatan met iti puwesto ni Ibany kas Directorate for Education and Training Deputy Director ni PNP Academy Deputy Director P/Brig. Gen. Romeo Berango.
Kabayatanna, ni Directorate for Research and Development (DRD) Executive Officer P/Brig. Gen. Francisco Ebreo ket sukatan na ni Berango.
Agbalin met a Directorate for Research and Development (DRD) Executive Officer ni P/Brig. General Gonzalo Villamor Jr. idinto a PNP Commandant of Cadets ni Police Regional Office–Cordillera Administrative Region Deputy Director for Operations P/Col. Ledon Monte.
