LAOAG CITY – Nagballaag ti mangidadaulo ti World Health Organization a ti manarimaan a riribok iti Democratic Republic of Congo ti manglaplapped iti panangsolusyon ti Ebola outbreak.
Inbatad ni World Health Organization (WHO) Director-General Dr. Tedros Adhanom Ghebreyesus nga iti daya ti Democratic Republic of Congo ket isu ti sentro ti mapaspasamak a riribok ken ti pagrarairaan ti nasao a sakit.
Iti statement, inpetteng ni Ghebreyesus ti World Health Organization ket saan a makabukel ti talek ti komunidad wenno isina dagiti addaan ti sakit kabayatan nga adda dagiti agtinnag a bomba iti lugar.
Manamnama ti panagturong ni Ghebreyesus iti Democratic Republic of Congo tapno idaulwan ti pannakaipalawa ti panangikarkarigatan ti World Health Organization a malapdan ti virus.
Basar iti rekord, addan ti 220 a tattao a pimmusay iti nadakamat a pagilian gapu iti maipagarop nga ebola virus.
